Dikon?
E awa ta keda transportá den un ret di tuberia prinsipal ku ta kubri ku semènt
(cementlining) internamente pa resistí koroshon i eroshon interno den e ret di tuberia. Kontenido di semènt.
Semènt ta kontené oxido di calcium, di-oxido di silicon, oxido di aluminum, oxido di heru, sulfate, tricalcium aluminate, tetracalcium aluminoferrite, belite i dicalcium silicate, alite or tricalcium silicate, oxido di sodium, oxido di potassium i gypsum.
Segun WHO (Organisashon Mundial di Salu) ku ta e òutoridat maximo di salu na mundu, tur e komponente nan menshoná aki den semènt ta severamente toxico i tin nan efektonan hopi negativo riba e bienestar di salu di e ser humano.
Banda di esaki, dor di uso di preshon i velosidat ku e awa ta pasa den e tuberia nan aki, partikula nan di e komponente nan di e semènt ta lòs i ta mesklá huntu ku tur otro
komponente nan den e awa ku ta keda akumulá i ta bai resultá den e glas di awa of e kuminda ku a keda kushiná ku e awa ku a sali for di e kranchi riba e ret di tuberia aki. Tur e diferente komponente nan, tantu esnan di e semènt huntu ku esnan añadi den e awa, ta redusí e kalidat di awa pa konsumo humano inmensamente poniendo esaki komo efekto negativo riba salú di e ser humano.
Por mira e resultado i presensiá di tur e komponente nan aki ora ku den e ret di tuberia surgí un desperfekto i ku mester hasi kambio di e tuberia ta kuantu porkeria i desecho ta keda presensiá den esaki. (mira potret nan aki bou di tuberia saka aki na Kòrsòu)
Ja estudio nan ta demostrá ku na Kòrsòu tin hopi persona ku problema di nir ku no ta funshoná optimal i ku por ta e kòusa tambe ku tin un kantidat haltu di persona diabetiko ku “kisas” por ta kòusa pa e awa di konsumo humano aki den nos komunidat.
2. E aspekto ekonomiko.
Un ser humano ta konsumi +/-10 liter di awa (+/-5 liter di awa pa bebe i +/-5 liter pa prepará su alimento) pa dia. Esaki ta indiká ku pa luna e ser humano ta konsumí mas o menos entre 300 pa 350 liter di awa pa luna.
Den un kas di famia, konsistiendo di 4 persona, e uso ta entre 1200 pa 1500 liter di awa pa luna pa e konsumo minimo.
Si dedusi e uso pa konsumo humano aki for di e kantidat di awa for di e 9000 liter na e preis minimo so, ta nifiká ku 7500 liter di awa sumamente karu ta keda usa komo awa domestiko ku ta un awa muchu mas barata en komparashon ku e awa pa konsumo humano.
E awa domestiko ta awa pa limpia kas, laba outo, muha mata, limpia wc toilet, etc. ku no mester di e komponente nan ku ta hasi awa pa konsumo humano ekonomikamente sumamente kostoso.
No ta un sekreto publiko ku diferente invershonista a mustrá na numeroso okashon riba e kostonan haltu ku mester keda paga pa utilidat i un di esakinan ta pa e prèis ku
mester keda paga nètamente riba awa den nos pais.
Nos a frekuentá na diferente pais i lokual ku nan tin ta un ret di awa domestiko mientras ku nan ta bende awa pa konsumo humano na bòter grandi di 5 gallòn (yama boteyon). E boteyon nan ey, ku tin statiegeld ariba, ta keda yena na e lugá di prosesamentu kaminda por garantisá ku e awa ta keda ku su puresa i por keda bende na diferente lugá manera supermerkado, tienda nan of hende ku ta lanta su negoshi di benta di boteyon di awa na kas. Banda di esaki, tin hende ku tin nan trùk chiki di tanki ku ta kumpra e awa aki na e lugá di prosesamentu i kore bende esaki pa yena boteyon na kas den barionan.
Rekomendashon.
Profundisá riba e pensamentu pa introdusí awa di konsumo humano na boteyon mientras ta larga e ret aktual pa destribuí awa domestiko.
Kiko e kambio di awa pa konsumo humano na boteyon ta trese kuné? Pa salubridat:
Entregá e pueblo un awa pa konsumo humano di un kalidat muchu mas haltu ku lokual ta risibí aworaki.
Kontribuí na posibel redukshon di persona nan ku lo ta sufri pa un ke otro malesa ku e awa di tuberia aki lo ta kòusá of provoká.
Pa ekonomia:
Entregá di awa domestiko kual su kosto pa produkshon ta muchu mas abòu ku e awa pa konsumo humano.
Kuminsá ku benta di e boteyon di awa na kas den barionan. Si esnan ku kier bende esaki, nan por gana un suma chiki riba kada bòter di 5 galon di awa ku nan bende (+/-150 kas na Kòrsòu ku un entrada).
Kuminsá ku trùk nan di tanki chiki ku ta pasa den bario nan (mainta i atardi) pa bende i yena awa den boteyon den barionan. Esaki ta generá empleo (+/-50 persona ku ta 25 konduktor i nan ayudante) pa esnan ku kier kore bende awa na kas den barionan.
Ta generá empleo (+/-30 persona) pa e kompania na e punto di yena i seya e boteyon nan di awa.
Ta generá empleo (+/-50 persona ku ta 25 konduktor i nan ayudante) pa e kompania hasi entregá di e boteyon nan di awa na puntonan di benta manera supermerkado, minimarket, etc.
Por kuminsá e proseso di yena bòter nan chiki di awa pa konsumo frekuente. Ku un bon promoshon, por subi merkado exterior di kompetensia pa kuminsá
exportá kaha di bòter di awa pa otro pais. Ku e proseso aki ta generá mas
empleo (+/-30 persona) pa esnan ku ta yena e bòter nan aki i pone nan den kaha pa distribushon i exportashon.
Por bini ku un fabrika lokal pa produsí e bòter nan, tantu boteyon komo chiki aki na Kòrsòu ku tambe ta generá empleo (+/-100 persona).
Ta spera ku e pensamentu aki por haña atenshon pa habri diskushon pa yega na un transformashon den nos pensamentu i aktitut pa prevenshon di nos salu i un
kontribushon pa baha nos gastunan pa utilidat, generá entrada/empleo pa entre 400 pa 500 kas di famia, generá divisas ku exportashon di nos dushi i saludabel awa i habri oportunidat pa invershonista nan ku kier bin invertí den ekonomia di Kòrsòu.
Atentamente,
Raymond F. Angelica Adres: Kaya Adagio 25
Email adrès: angelica.raymond@gmail.com Tel.: 5999 569 3476
