27 desèmber 3 yanüari Studia lès di e siman aki pa prepará pa Sabat, 2 yanüari KRISIS DEN SHELU Lesa: Isaias 14:4, 12-15; Ezekiel 28:2, 12-19; Juan 12

(1)

KRISIS DEN SHELU

Lesa: Isaias 14:4, 12-15; Ezekiel 28:2, 12-19; Juan 12:31; Revelashon 12:7-13; Lukas 10:1-21.

Teksto di Memoria: “Salbashon ta di nos Dios, Kende ta sintá riba e trono, i di e Lamchi.”

(Revelashon 7:10).

‘

E

lei di amor ta fundeshi di Dios Su gobernashon, i felisidat di tur ser inteligente ta dependé di nan konsentimentu ku su prinsipionan grandi di hustisia. Dios ta anhelá pa tur Su kriaturanan sirbiE pa amor—un servisio ku nan ta duna pasobra nan ta apresiá Su karakter. Dios no tin gusto den obediensia fòrsá; i E ta duna libertat di skohe na tur, pa asina di nan mes boluntat liber nan skohe pa sirbiE ku amor’. (Ellen G. White, Patriarken en profeten, p. 10).

Tanten tur ser tabata demostrá fidelidat na e amor aki, tabatin armonia perfekto den henter e universo. Tabatin mester di solamente ún rebelde pa kambia tur kos. Lusifèr a kere ku e por a hasi tur kos mihó ku Dios. E tabata ke Dios Su puesto, i tur prestigio ku esaki tabata trese kuné.

Dor di Satanas su ambishon i kudishi pa poder ‘tabatin guera den shelu’ (Revelashon 12:7). Dor di engañá Adam i Eva serka di e palu prohibí, Satanas a trese e guera riba e tera aki. For di e tempu ei nos tin ku biba ku konsekuensianan di esaki. E plan di salbashon ta Dios Su forma pa pone resistensia, i pa restourá e òrdu i harmonia ku Satanas a stroba.

Studia lès di e siman aki pa prepará pa

Sabat, 2 yanüari

(2)

Djadumingu 27 desèmber Djaluna

Lesa Isaias 14:4, 12-15. Ki deskripshon tokante e rei di Babilonia ta indiká ku e ta referí na

un persona ku ta muchu mas poderoso ku djis un gobernante humano?

Ningun rei terenal a yega di kai for di shelu. Despues ta sigui versíkulonan 12-15 ku ta papia di un ser ku ta muchu mas grandi ku e rei, asta esun di Babilonia mes. Ade-mas, e forma di papia den e teksto aki lo a wòrdu rekonosé ántes den Oriente Serkano komo deskripshonnan di un dios: subí na shelu, tuma puesto mas haltu ku e angelnan i dirigí reunion di e diosnan. Akinan ta revelá kla, den un profesia ‘dòbel’, kua tabata e ambishonnan di Satanas.

Hesus a ruza mes un táktika ora ku E tabata referí na e destrukshon di Jerusalèm den Mateo 24. Ounke e disipelnan tabata puntra tokante destrukshon di e tèmpel, Hesus a deskribí den Su kontesta tantu e destrukshon di Jerusalèm dor di e Romanonan na aña 70 promé ku Kristu, komo e fin di mundu. Di mes un forma Isaias ta deskribí karak-terístikanan di un rei terenal, pero ta apliká nan, na algu ku ta muchu mas grandi ku e rei humano aki.

Lesa Ezekiel 28:2, 12-19. Kon ta deskribí Satanas akinan?

Ezekiel ta papiando akinan di un ser perfekto ku tabata presente den e hòfi di Eden. E ser aki ta dòrná ku tur sorto di piedranan presioso, ku mas despues tabatin tambe riba pechero di e sumo saserdote, i e ser aki ta apuntá komo kerubin protektor serka di e trono di Dios. E ser perfekto aki, sinembargo, ta perhudiká su mes dor di su ‘bunitesa’.

Dor di huza paralelonan humano e fragmentonan aki ta yuda nos komprondé real-idatnan divino. E profetanan ta huza kosnan ku ta mas serka i mas komprendibel pa splika algu, ku lo tabata difísil pa nos kapta. Loke ta pasa den shelu, ta duru pa nos riba tera komprondé. Pero nos por mira si resultado di ambishonnan polítiko bergonsoso i destruktivo di gobernantenan akinan riba tera. Isaias i Ezekiel ta duna nos idea di un kambio ineksplikabel, ora ku tur kos tabata bunita i perfekto den Dios Su òrdu, i ta wòrdu ruiná despues dor di un ambishon desastroso.

Ta kiko nos, komo sernan pekador, por siña di e mortalidat di orguyo?

ORIGEN DI PIKA DEN SHELU

kono un prins, rei, e tb un seyo di perfekshon, yen di sabidoria i perfekto den sabidoria

(3)

Djaluna 28 desèmber Djadumingu

Lesa Juan 12:31; 14:30 i 16:11. Pakiko Hesus ta yama Satanas prens di e mundu aki?

Ora ku Dios a pone Adam i Eva den e hòfi di Eden, El a konfia nan ku atministra-shon di e hòfi (Genesis 2:8, 15) i kuido di tur e animalnan den awa, den shelu i riba tera (Genesis 1:26, 28). Dor di duna kada bestia un nòmber, Adam a mustra su mayordomia i gobernashon riba nan. Mayoria di biaha esun ku tin outoridat riba algu por dun’é tambe un nòmber. Asina, dor di duna kada bestia un nòmber, Adam a demostrá su statùs kla komo gobernante di e mundu aki.

Na momentu ku Adam a pèrdè su dominio, Satanas rápidamentu a tuma su lugá ofer. Dor di e ofrenda di Hesus riba Golgotha, humanidat lo wòrdu restourá. Un parti di e restourashon aki ta ku esnan ku ta salbá lo haña Adam i Eva su derecho pa goberná pa semper ku Dios komo ‘reinan i saserdotenan’ (Revelashon 1:6; 5:10).

For di e promé kapítulonan di e buki di Job ta mustra kon grandi Adam su pèrdida tabata. Ta laga nos wak den e sala di trono di e universo, i nos ta mira a la bes kon hu-manidat ta sometí na naturalesa for di tempu di e kaída.

Lesa Job 1:6, 7 i 2:1, 2. Pakiko Satanas ta introdusí su mes na e habitantenan di shelu

komo esun ku ta kana pariba-pabou riba tera?

Kana bai bin òf dualdu rònt no ta djis un aktividat pa turista. Den Beibel e ta un señal di propiedat. Ora Dios a duna e tera na Abraham, El a dun’é òrdu pa krusa e tera den tur su largura i hanchura (Genesis 13:17), meskos tambe Moises i Hosue (Deuteronomio 11:24; Hosue 1:3). Den sierto sentido Satanas ta kana prònk komo ‘dios di e mundu aki’ (2 Korintionan 4:4).

E introdukshon di Satanas den e promé dos kapítulonan di Job ta pas ku e susesonan den Genesis 3. Satanas ta krea problema den paradeis i ta bai laga e víktimanan humano atras yen di sufrimentu.

Ki muestra di Satanas su trabou nos ta mira awor aki den e mundu aki? Ki speransa bo por

saka for di e promesa ku e tera aki lo pasa bai?

PRENS DI E MUNDU AKI

Pasonbra e ta e sun ku ta gaña hendenan

dor ku e ta e prins di e mundu aki i tin ne bao di su poder pa maltrata hende

(4)

Djarason Djamars 29 desèmber

GUERA DEN SHELU

Nos no tin idea kiko e guera den shelu ta enserá. Nos no sabi ki guera físiko a wòrdu bringá, solamente ku Satanas i su angelnan a wòrdu saká afó. En realidat Beibel no ta bisa nada di konsekuensia físiko di e konflikto aki den shelu. Na lugar di esei ta atendé e konsekuensianan spiritual akinan riba tera.

Lesa Revelashon 12:7-16. Kiko e teksto aki ta bisa di e gran konflikto, ku shelu i tera a

keda afektá dor di dje?

Paga tinu riba e forma positivo ku Juan ta konta di e guera konstante ku tin entre ‘e akusadó di e rumannan’ i e vensedornan. E ta mara esaki na salbashon i yegada di Dios Su reino (Revelashon 12:10, 11). E tema optimista aki ta keda enfatisá den henter e kapítulo i ta un aspekto importante di e gran konflikto.

Ta krusial pa nos dediká atenshon na e konteksto global di kapítulo 12. Einan ta deskribí tres menasa grandi. Despues di kada menasa ta sigui un liberashon inkreibel. Den un vishon dramátiko ta mustra Juan e lucha ku tin entre Kristu i Satanas i kon desproporshoná e ta parse.

Por ehèmpel: un dragon grandi kòrá ku ta prepará pa kome un beibi, (Hesus, ku ta na punto di bai nase). Ta kua beibi por sobrebibí esei? Pero E ta sobrebibí i ta wòrdu hiba na Dios Su trono.

E dragon ta purba pèrsiguí e mama despues, ku ta simbolo di Dios Su pueblo (Reve-lashon 12:13). Ta kon leu un mama ku a kaba di duna lus por protegá su mes kontra un dragon? Pero di un forma maravioso e muhé tambe ta skapa (Revelashon 12:14).

Den un terser intento pa destruí Dios Su skohí, e dragon ta skupi un riu di awa tras di e muhé (Revelashon 12:15). Un señora kontra un riu? Pero atrobe Dios ta bini entre nan dos i ta salba e muhé (Revelashon 12:16).

E dragon ta dirigí su atenshon awor riba desendientenan di e muhé. E ta furioso i ta ranka sali kontra nan. Historia ta laga nos mira kon Dios Su pueblo a wòrdu di yag, oprimí i pèrsiguí den transkurso di añanan. Demasiado biaha nos ta mira imposibilidat di e bataya i ta puntra nos mes ta kon e kreyentenan lo sobrebibí. Akinan nos ta lubidá ku e historia no a kaba ainda. E ta sigui den Revelashon 14. Den e teksto aki nos ta mira e kreyentenan dilanti di Dios Su trono pará. Ke men, nan tambe a keda salbá.

Kon bo ta siña pa haña kurashi den Señor, ku ta mas grandi ku tur kos, na momentu-nan ku

ta parse ku bo ta wòrdu aplastá dor di forsanan ku ta mas grandi ku bo?

ku su loga no awordu haña den shelu mas i a wordu tira riba tera, e ta gaña tur nachonnan riba tera i ta hasi gera ku nan

(5)

Djamars Djarason 30 desèmber

Nos a mira kaba ku e guera no a keda limitá na shelu, pero el a alkansá tera tambe. Pa un tempu tabata parse ku Satanas, ‘akusadó di e rumannan’ (Revelashon 12:10), por a para ainda dilanti Dios Su trono pa papia tur sorto di akusashon kontra Dios Su pueblo. Job tabata un di e personahenan bíbliko ku tabata víktima di e humiyashon aki.

Lesa Lukas 10:1-21. Kua ta nifikashon di Kristu Su palabranan tokante Satanas den e

tekstonan aki?

Promé ku Hesus a manda e 72 disipelnan bai hasi trabou mishonero, El a duna nan instrukshon pa no bai ku paña ni sèn èkstra (Lukas 10:4), i pidi Dios Su bendishon pa hendenan di e kas kaminda nan keda (Lukas 10:5). El a spièrta nan ku nan ta manera lamchi meimei di lobo (Lukas 10:3). Un fuente di preokupashon ku tambe ta bin dilanti atrobe den Revelashon 12, kaminda e dragon ta hasi guera ku Dios Su pueblo.

“I e setentanan a bolbe ku goso, bisando: ‘Señor, asta e demoñonan ta sometí na nos den Bo nòmber’” (Lukas 10:17), i esei lo mester a hasi Hesus hopi kontentu (Lukas 10:21). Ta den e konteksto aki Hesus ta konta di Satanas ku a kai manera welek for di shelu. E ta spièrta e disipelnan pa no basa nan goso riba vense e podernan diabóliko, pero pa sigurá ku nan nòmber ta skirbí den shelu (Lukas 10:20). E rekuerdo aki ta pone salbashon di hende den mannan di e Salbador, kaminda e ta pertenesé. Hesus a vense e enemigu, no nos.

Siguidónan di Hesus tin e previlegio pa testifiká di salbashon ku Hesus a trese. Parse ku Lukas 10:17-20 ta pone un relashon entre Hesus Su enkargo di un banda na Su pueblo pa testifiká, i na e otro banda pa tin poder riba Satanas den e gran konflikto. Testifikashon ta debilitá Satanas Su poder riba hende den mundu, i ta duna hende e chèns pa sigui amplia e reino di Dios.

Solamente danki na Hesus Su viktoria na e krus nos por ta mas poderoso ku nos kontrapartida. Pablo ta deklará ku Hesus a ‘desarmá e gobernantenan i outoridatnan’ i ‘a triunfa riba nan’ (Kolosensenan 2:15). Den djE Dios Su pueblo ta bendishoná. Satanas su derota ta sigur. “Awor prens di e mundu aki ta wòrdu tirá afó” (Juan 12:31), pa no hasi Dios Su pueblo daño nunka mas. Siguramente nos por regosihá ku viktoria ta di Señor.

‘Regosihá ku boso nòmber ta skirbí den shelu’. Para ketu un ratu na e palabranan aki.

Kiko nan ta nifiká? Pakiko esei ta un rason importante pa alegrá?

KORE KU SATANAS

Ku ata e ta purba domina e poblitonan i ta maranan den mentira i engaño pero Señor tin poder pa derota su obranan

e ta nifika ku no ta milager ta salba pero e sanger di Hesus ora nos apsete nos ta salba den Su reino pasonbra ta e saki ta salbashon den Su nomber

(6)

Djaweps 31 desèmber Djabièrnè

E GUERA TA SIGUI

Meskos ku refleho di un kolebra venenoso ku a kaba di wòrdu matá, por bula lora rònt di algu i inyektá su venenu ora kohé tene, asina tambe, Satanas su mordé por ta mortal ainda. Ta bèrdat ku el a wòrdu derotá riba Golgota, pero e peliger no a pasa ainda.

Lesa Juan 16:33. Den ki forma Hesus ta spièrta Su disipelnan pa e lucha konstante

kontra maldat?

Hesus a laga hopi kla pa Su siguidónan ku kos lo no bai bira mas fásil pa nan. Pero, na luga di papia di problemanan, El a preferá konsentrá riba e viktoria ku nan lo alkansá den djE. Ku e promesa aki den su pensamentunan, Pablo ta sigurá e kreyentenan na Roma ku ‘Dios lo plèchè Satanas bou di boso pia’ (Romanonan 16:20). Juan ta bisa mes un kos na e iglesia di último dianan—nan viktoria ta garantisá dor di sanger di e Lamchi (Revelashon 12:11).

Lesa Hebreonan 12:1, 2. Nos ta testigunan di e fe. Kon e palabranan aki ta animá nos?

Ki siguransa nan ta duna nos? Lesa tambe Hebreonan 11.

Hebreonan 11 ta duna un repaso kòrtiku di bida di algun gran heroenan di fé. Abel a ofresé e ofrenda perfekto, i e no ta wòrdu lubidá, a pesar di su morto. Enok ta para konosí komo un persona ku Dios tabatin gran goso den dje. ‘Pa medio di fe Enok a

wòr-du trasladá pa e no mira morto; i e no a wòrwòr-du hañá mas, pasobra Dios a bai kuné’

(Hebreonan 11:5). Noe ta spièrta pa akontesimentunan invisibel i ta trese salbashon na un mundu yen di piká. Abraham ta sali bai laga un sivilisashon tremendo atras pa e bai na un tera primintí. Sara ta duna lus na e yu hòmber primintí, ounke e ta muchu bieu pa haña yu. Moises ta skohe pa sufri huntu ku su pueblo, na lugar di biba den palasio di e rei. Rahab ta testifiká di Dios Su grandesa (Hosue 2:9-11). Esakinan ta algun di e gran multitut di testigunan di fe ku Hebreonan 12:1 ta papia di dje. Nan no ta testigunan pa-sivo, ku ta, sinta wak un kompetensia. Nan ta duna testimonio aktivo di Dios Su fieldat, pasobra E ta sostené nan den tur nan lucha di bida. Nos tampoko no ta para nos so den e gran konflikto aki, Dios ta nos Guerero Poderoso ku ta sostené nos, i ta pèrkurá pa nos.

Pensa riba algun di e personanan ku ta wòrdu menshoná den Hebreonan 11. Ken nan

tabata, i ki tipo di hende nan tabata? Kon esaki por enkurashá bo pa mìra ku e personanan

aki, ku no tabata perfekto, pero tabatin nan fayonan, ta hendenan manera nos mes, ku tur

nos angustia, pashonnan i debilidatnan?

ku den Hesus nos tin pas i E ta bisa nos tene kurashi el a vense mundu.

dor ku nos tin testigunan ku a vense e satanas den e Nomber di Hesus. ku ora nos wowonan keda fihga riba e outor ikumplido di fe.

e siguransa ta viktoria riba satanas

Hombernan ku tabata denpende di Dios su grasia. Hendenan sin edukashon di e mundu aki i pekador.

(7)

Djabièrnè 1 yanüari Djaweps

Mas Estudio: Nos no sabi pakiko piká a kuminsá den Satanas. Ellen G. White ta bisa nos:

‘Poko poko Satanas a bin antohá pa outo-eksaltá su mes’ (Ellen G. White, Patriarchen en

profeten, p. 11). E echo ku esaki a kuminsá den un ser perfekto, ta laga nos mira e realidat

kla ku tabatin boluntat liber i libertat pa skohe, komo parti di Dios Su gobernashon. Dios a

krea tur ser inteligente komo bon: nan tabata moral ku un bon naturalesa moral. No

tabatin nada den nan ku tabatin tendensia pa malu. Ta kon bin anto ku piká a kuminsa

forma den Lusifèr? E kontesta ta: no tin kontesta pa esaki. E ta un misterio. Si por a haña un

eksküs pa esaki, a lo largo Dios lo por tabata responsabel p’e. Siendo hende nos ta kustumbrá di

analisá relashonnan komo kousa i konsekuensia. Pero piká no tin kousa, gewon no tin rason pa e

t’ei. E ta irashonal i apsurdo i algu kèns pa hasi. Lusifèr no por a hustifiká su akshonnan. E tabata

grandemente previlegiá dor di Dios. Dor di un forma òf otro, dor di malusá su boluntat liber,

Lusifèr a hasi daño na su mes. El a para bira for di ‘strea di mardugá’ na Satanas ‘e atversario’.

Ounke tin hopi kos ku nos no ta komprondé, nos ta kapta sufisiente si pa sabi ku nos mester bai

trankil i huza den forma sabí e libertat liber ku nos tin pa skohe libremente.

Preguntanan pa Diskushon:

• Pensa riba e regalo tremendo di un boluntat liber i libertat pa skohe. Kon nos ta huza e regalonan aki den bida diario? Pensa riba e konsekuensianan desastroso ora huza e regalu aki den forma robes. Kon nos por siña pa huza nos boluntat liber i libertat pa skohe den bon forma?

• Pensa riba ròl di e lei den konteksto di un boluntat liber i libertat pa skohe. E echo so ku Dios tin un lei, ta un muestra kaba di e realidat ku tin un boluntat liber. Sino, ki nodi tin pa eksistensia di un lei moral, si sernan moral no por skohe pa obedesé? Pensa un poko mas riba konsekuensianan di e lei, i kiko esaki ta bisa nos di e libertat ku hende tin.

• Tin un tendensia fuerte, siguramente den sierto partinan di mundu, pa desmentí e idea di un diabel literal. Pakiko e perspektiva aki ta kontra e komprendementu mas básiko di Beibel?

(8)

Djabièrnè 1 yanüari

(9)

Djasabra D Djasabra 2 yanüari

MEDITASHON

REVELASHON 12:7-17

PREGUNTA PA KIBRA EIS:

Bo a yega di haña bo mes envolví den un konflikto? Kon el a wòrdu solushoná? Konta di dje.

MI TA REKONOSÉ:

Juan ta konta di un konflikto kósmiko—un guera den shelu—kaminda Dios ta sali ganadó. Pero e viktoria ei no ta fin di e guera. E lucha ta sigui otro kaminda. E guera den shelu ta haña siguimentu riba planeta tera. Versíkulo 12 ta e punto di kambio for di alegria den shelu pa miseria ariba tera.

Kumplimentu di e promesa (‘un yu a nase na nos’) ta spièrta serka Dios Su ene-migu (akinan yamá e gran dragon) e deseo pa kaba ku e yu ku ta bai nase i tambe e señora ku ta bai duna lus.

MI TA DESKUBRÍ:

● No mester skapa nos atenshon ku e lucha a kuminsá na promé lugá den shelu. Kiko esei ta nifiká pa nos? Ken ta e dos partidanan ku ta luchando kontra otro? Kiko e teksto aki ta bisa di kada un di nan?

● Si nos tabatin solamente e teksto aki, e ora ei e identidat di Miguel lo a keda un misterio pa nos. Ken ta Miguel? Juan no ta bisa nos. E ta suponé ku e lesadó sabi esei kaba. Pero pakiko Juan por pensa esei? I e lesadó sabi e kontesta?

● E elementu di tempu ta keda tambe deskonosí, tambe e periodo ku esaki a tuma lugá i kuantu el a dura. Ta ki tempu e konflikto aki a tuma lugá anto? Motivá bo kontesta.

● E dragon i su kompinchinan ta wòrdu derotá (v. 8). Kua ta resultado di nan derota? Kiko esaki ta nifiká pa shelu? I pa nos akinan riba tera?

● Versíkulo 10 ta afirmá e viktoria di Miguel. Nos reskate, Juan ta bisa, a bira real-idat. E ta papia kontrali na loke a bisa mas promé? Kon nos mester mira esaki?

● E dos armanan ku Dios Su yunan por gana bataya kuné ta sanger di e Lamchi i nan tes-timonio. Na unda nan a hasi esei? I esaki ta aklará nan viktoria?

● Despues nos ta lesa di un muhé ku a duna lus na un yu hòmber. Di ken e ta papiando akinan? Kompará e teksto aki ku Revelashon 12:3. Ken su bida ta na peliger: e yu òf e muhé? Kon a bin ouksiliá nan? Ki aklarashon tin pa e periodo di tempu menshoná?

● Versíkulo 17: ‘Restu’ di desendientenan di e muhé tin dos karakterístika klave: nan ta warda Dios Su mandamentunan i ta keda tene na e testimonio di He-su-Kristu. Di kiko e ta papiando akinan?

(10)

Djasabra Djasabra 2 yanüari

MI TA APLIKÁ:

● E guera ta tuma lugá den shelu i riba tera. Ke men ami tambe ta envolví den e konflik-to aki. Mi ta mobilisá dor di esaki pa ‘bai guera’? I kontra ken mi tin ku bringa? Nos no por kiboká nos mes fásilmente den ken realmente ta e enemigu?

● Mi tin ku bringa den e lucha aki. Pero mi ta tambe e lugá kaminda e lucha aki ta tu-man-do lugá. Ta bèrdat, ta trata di un guera di shelu i un lucha riba tera, pero tambe di un bataya den mi mes. Bo a yega di sinti e lucha interior aki? Bo por konta algu di dje?

● Pero, kontrali na loke ta pasa ora ku gobièrnunan anunsiá un mobilisashon general, ami mes tin ku tuma un desishon akinan. No tuma un desishon ta en realidat un desishon tòg? Kiko abo ta skohe? I kon e desishon aki ta afektá bo bida diario?

● Kon nos por sigui kere den e viktoria? Asta ora parse ku nos ta vensí?

MI TA RESA:

Yuda mi, Señor, pa komprondé kon

grandi e konflikto aki entre bon i

malu ta, i repasá e konsekuensianan.

Yuda nos Señor pa yuda Bo den e

konflikto aki – dor di loke nos ta

skohe, dor di loke nos ta bisa i dor di

loke nos ta hasi, òf nètamente no a

bisa ni a hasi.

Señor, yuda nos tambe mira den fe

realidat di e viktoria, i biba for di e

(11)

ISAIAS 55:1-7

Pregunta inisial

Bo a resa pa lidernan den Iglesia i den mundu? Kiko esei a hasi ku bo?

Lesa Revelashon 7:9–12 huntu.

Pregunta

Kiko paña nobo ta hasi ku bo? Splika kon bo ta sinti.

Inspirashon

‘Salbashon ta di nos Dios, Kende ta sintá riba e trono, i di e Lamchi.’

1