-
Gradisí Señor pa Su grasia
-
Na promé lugá nos ker a gradisí Señor Dios pa Su grasia, konosementu,
komprendementu i sabiduria ku El a impartá riba nos pa pone e estudio
akí den otro.
Tambe nos ker a gradisí Dios pa nos rumannan Maristella Martis,
Luisette Martis i Elma Huggins ku a traha duru pa realisashon di e buki
akí. Ta pa motibu di e gran deseo di ke sa mas di djE, nos a pidiÉ pa
revelá nos Su deseo i boluntat.
Ta ku hopi temor i amor nos a dediká nos mes pa buska di Dios, pa
asina nos por risibí di djE pa kompilá esaki pa esnan ku tambe tin
hamber i set, pa sa mas di E Reino di Dios.
Nos tin sigur ku kada un ku studia E Palabra di Dios, lo haña revelashon
pa medio di Su Spiritu Santu. P'esei promé ku bo kuminsá ku e estudio
akí, hasi orashon i pidi Spiritu Santu pa habri bo huisio pa asina bo
por komprondé E Skritura.
Estudio Bíbliko
Básiko i Disipulado
Di dos edishon revisá 2017
Copyright © House of Worship Foundation
Kompilá pa: pastor mayó Raimy Juliet i pastor Chesron Richardson Diseño di portada: Raimy-Jonathan Juliet
Diseño gráfiko: Maristella Martis
Revishon: Elma Huggins - Luisette Martis - Maristella Martis Iglesia House of Worship
Erosweg 52, Curaçao +5999-738-4344
[email protected] www.how-online.org
ISBN: 978-99904-5-048-4
KONTENIDO
PÁGINA
BÁSIKO
Introdukshon 8
Kapítulo 1 Beibel: buki òf biblioteka? 10
1.1 Kontenido di Beibel
1.2 Tèstamènt
1.3 Bukinan den Beibel
1.4 Repartishon di Beibel
1.5 Kon pa buska den Beibel
Kapítulo 2 E plan di salbashon 18
2.1 Hesus a bini pa salba hende
2.2 Kon nos por konektá bèk ku Dios
2.3 E derechi pa bira un yu di Dios
Kapítulo 3 E kaminda pa salbashon 23
3.1 Salbashon
3.2 Kiko ta nifiká arepentí i kombertí na Señor?
3.3 E kaminda hanchu i e kaminda smal
Kapítulo 4 E sanger di Hesus 29
4.1 E manera ku piká a drenta mundu
4.2 Ekspiashon (Atonement)
4.3 Kanselashon di sentensia i kastigu
Kapítulo 5 Boutismo den awa 33
5.1 Nifikashon di boutismo
5.2 E forma di batisá
5.3 Ki ora mester batisá?
DISIPULADO
Kapítulo 6 Disipel 39
6.1 E yamada
6.2 Ken ta un disipel
6.3 Kondishonnan pa ta disipel di Hesus
6.4 Karakterístikanan di un disipel
6.5 Un disipel ta un sirbidó
Kapítulo 7 Orashon 46
7.1 E manera ku Hesus a siña Su disipelnan hasi orashon
7.2 Kon pa drenta den Dios Su presensia
7.3 Tres dimenshon pa hasi orashon
Kapítulo 8 Alabansa i adorashon 51
8.1 Ken ta un adoradó?
8.2 Kiko ta alabansa i adorashon?
8.3 Ki ora bo ta alabá i adorá Dios?
8.4 Elementonan di adorashon físiko i spiritual
Kapítulo 9 Spiritu Santu 57
9.1 Ken lo ta nos guia?
9.2 Dikon Dios a primintí nos Su Spiritu Santu?
9.3 Kon mi por risibí E Spiritu Santu?
9.4 Fruta di Spiritu Santu
Kapítulo 10 E donnan di Spiritu Santu 62
10.1 Variedat di donnan
10.2 E donnan di gobernashon pa e iglesia di Kristu
10.3 E ‘donnan’ di satanas i nan frutanan
Kapítulo 11 Kongregashon 67
Kapítulo 12 E sena di Señor 70
12.1 Ken a instituí E sena di Señor?
12.2 E aliansa nobo
12.3 Importansia di komementu di e pan
i bebementu for di e kopa pa e kristian
Kapítulo 13 E Gran Mandato: evangelisashon 75
13.1 E Evangelio
13.2 E importansia di evangelisashon
13.3 Evangelisashon kompaña ku milager
13.4 Evangelisashon ta un guera spiritual
Kapítulo 14 Diesmo 80
14.1 Dunamentu di diesmo
14.2 Diesmo ta un adorashon na Dios
14.3 Diesmo ta algu ku ta rekordá bo ku Dios ta bo fuente
Kapítulo 15 Ministerio 85
15.1 Un ministro
15.2 10 punto fundamental
INTRODUKSHON
DIKONMIMESTERLESA BEIBEL?
1. Pasobra Beibel ta e úniko buki inspirá pa Dios mes (2 Timoteo 3:16).
2. E ta e úniko buki kaminda bo ta mira klaramente kon Dios tabata i ta komuniká ku hende.
3. Beibel ta e buki ku ta kontené e mente, e kurason i e deseo di Dios. 4. E ta mustra e hende su kondishon, su limitashon i ta duna direkshon. 5. E ta e guia pa salbashon, liberashon i sanashon.
6. E ta un atvertensia pa e pekadó.
7. E ta e spada pa e kreyente (Efesionan 6:17). 8. Beibel su siñansa ta santu.
9. Su leinan ta inkambiabel; nan no por wòrdu kambia. 10. Su historia ta berdadero; el a sosodé di bèrdat. 11. E desishonnan di E Palabra di Dios ta firme.
12. Beibel ta e buki ku ta kontené mas rikesa ku tur otro buki.
TAP’ESEI BEIBELTA:
Mi mapa ora mi ta biaha. E garoti ku mi ta lèn riba dje.
Mi kompas pa e direkshon korekto.
Pa e motibu ei mi ta identifiká mi mes kuné.
Rumannan, Dios Su Palabra ta di sumo importansia pa nos. Ta p’esei nos tin ku lesa Beibel ku mas komprondementu, sa mas di su kontenido i komprondé e mensahe di Dios pa nos bida. E Palabra ta e base i e ta balansá. E ta wòrdu stablesé den bo bida ora bo tend’é, les’é, kumpli kuné i bib’é. (2 Timoteo 3:16-17; Revelashon 1:3; Santiago 1:22-25)
Nos deseo ta pa kada un di nos por ta kumplidó berdadero di E Palabra, i asina haña un mihó konosementu i komprondementu di e boluntat perfekto di nos Tata. Nos por bisa ku lesando E Palabra di Dios, nos a bin siña konosé nos mes i ken nos ta den Kristu Hesus. P’esei ku siguransa nos por bisa: “Bo palabra ta un lampi pa mi pia i un lus pa mi
kaminda.” (Salmo 119:105)
Pastornan Raimy i Arlette Juliet
Pa nos komprondé Beibel mihó, nos mester sa kiko e palabra Beibel ta nifiká i kiko e ta kontené. E palabra Beibel ta bini for di griego; e ta tradusí for e palabra singular ‘Biblos’. E plural ta Biblia i ta nifiká bukinan. Otro nòmber ku ta wòrdu uzá pa Beibel ta: Skritura, Skrituranan òf Skritura Santu (Mateo 22:29; Romanonan 1:2). E nòmbernan akí ta mas ilustrativo, pasobra nan ta mustra ku Beibel ta E Palabra di Dios skirbí.
1.1 KONTENIDO DI BEIBEL
Beibel no ta simplemente un buki, pero mas bien un biblioteka, pasobra bo ta haña diferente buki den dje. E bukinan ta partí den dos grupo: Tèstamènt Bieu (T.B.) i Tèstamènt Nobo (T.N.).
10 - Básiko
BEIBELTAKONTENÉ 66 BUKI
E BUKINANTAPARTÍDEN 2 GRUPO
TÈSTAMÈNT BIEU 39 BUKI TÈSTAMÈNT NOBO 27 BUKI BEIBELTIN: 1.189 KAPÍTULO 31.101 VERSÍKULO
B
EIBEL
:
BUKI
ÒF
BIBLIOTEKA
?
Tèstamènt Bieu tin: 929 kapítulo. Tèstamènt Nobo tin: 260 kapítulo.
E kapítulo di mas kòrtiku den Beibel ta: Salmo 117. E versíkulo di mas kòrtiku ta: Juan 11:35.
Den Beibel nos ta haña bukinan di:
Historia. Proverbio. Karta. Kantika. Profesia. 1.2 TÈSTAMÈNT
Un tèstamènt ta un dokumento legal, ku ta spesifiká kon un persona ta parti su propiedatnan na su herederonan. E tèstamènt ta bira bálido na momento ku e persona, doño di e propiedatnan, fayesé; e ora ei tur loke tin skirbí den e tèstamènt ta bin na vigor. Den Beibel nos por lesa ku Hesus a muri na krus i riba e di tres dia, El a resusitá. Na momento ku esaki a sosodé, tur e promesanan den Beibel a bira di nos. E promesa di mas grandi ku Dios a duna nos ta salbashon.
Tèstamènt ta bini for di e palabra latin ‘testamentum’ ku ta nifiká aliansa. Nos komo kristian ta uza e terminologia Tèstamènt Bieu, pasobra nos ta konvensí ku Kristu Hesus ta E Mesias primintí. Pa medio di e sanger di Kristu Hesus, nos a risibí un tèstamènt nobo ku ta un aliansa nobo (2 Korintionan 3:14-16). Nos por konkluí ku Beibel ta e kolekshon di buki, ku ta papia tokante e aliansa ku Dios a sera ku e pueblo di Israel pa medio di Moises (Tèstamènt Bieu); antó esaki El a kumpli kuné pa medio di Kristu Hesus (Tèstamènt Nobo, e aliansa nobo).
1.3 BUKINAN DEN BEIBEL
Beibel ta konsistí di 66 buki. Pa por a kompilá nan, mester a pone sierto kriterionan.
Algun kriterio ku mester a tene kuenta kuné pa aseptá un buki den Beibel (T.B.):
1. E buki mester tabata skirbí na hebreo. 2. Un profeta mester a skirbié.
3. No por tabatin nada skirbí aden ku ta kontradesí e siñansanan di Dios. 4. Outoridatnan hudiu mester a rekonosé e buki.
Tur buki ku a wòrdu aseptá den Beibel ta kontá den e bukinan kanóniko. E palabra ‘kanòn’ ta nifiká regla. Ta yama un buki kanóniko, ora rekonos’é komo kargadó di e reglanan i liña di fe. E promé parti di Beibel hudiu i kristian, Tèstamènt Bieu, ta konsistí di e mesun bukinan.
