Sabbatskol les 12 kuartaal 1, 2022

全文

(1)

Risibiendo un Reino Ku No Por wòrdu Sakudí

Les 12 di kuartaal 1, aña 2022

Lesa pa e siman aki:

Heb. 12:18-29; Eks. 32:32; Dan. 7:9, 10, 13-22; Hag. 2:6-9, 20-22; Sal. 15:5; Sal. 16:8; Heb.

13:15,16.

TEKSTO PRINSIPAL:

"Pesei, komo ku nos ta risibí un reino ku no por wòrdu sakudí, laga nos mustra gratitut, pa medio di kual nos por ofresé na Dios un sirbishi aseptabel ku reverensia i temor"(Hebreo

12:28, Beibel Santu).

Risibiendo un Reino Ku No Por wòrdu Sakudí

sabbat, 12-03-2022

Hebreo 12:18-29, e porshón pa e siman akí, ta e klímaks di e karta, i e ta resumí su preukupashon prinsipal dor di ripití e pensamentu ku kua el a kuminsá: Dios a papia na nos den e persona di Su Yu, i nos mester pone atenshon kuidadoso (Heb. 1:1, 2; Heb. 12:25) na djE. E deskripshon di Hesus den Hebreo 12:22-24 ta personifiká e karta su afirmashonnan tokante di djE: Hesus ta e Mediadó di e promé aliansa, i Su sanger ta proveé salbasnon pa kreyentenan. Su ministerio saserdotal i real na nos fabor ta un kousa pa selebrashon pa e korte selestial. I finalmente, Hebreo 12:25-29 ta kontené e eksortashon último i klimátiko: Dios Su huisio ta biniendo. E lo trese destrukshon pa Su enemigunan, pero vindikashon i un reino pa Su pueblo (Heb. 12:28, 29).

E final ta reafirmá e 'importansia di Hesus Su logronan na e krus i ta dirigí kreyentenan ná e konsumashon di Hesus Su viktoria. Pablo a usa imagennan for di Daniel 7 pa rekordá e

(2)

Boso A Bini na Dios, e Hues di Tur Hende

djaluna, 14-03-2022

Lesa Hebreo 12:23. Si esaki ta un selebrasbon, di kon Dios ta wòrdu deskribí komo un

hues? Kon un hues por ta parti di òf un motibu pa un selebrasbon? Lesa Daniel 7:9, 10, 13-22 tambe.E selebrashon deskribí den Hebreo 12:22-24 ta aludí na e futuro huisio. Dios, e hues, ta presedí, i bukinan ta wòrdu usá, i e resultado di e futuro huisio akí for di e bukinan ta ku Dios Su pueblo ta risibí e reino (Heb. 12:28).

E esena akí ta lanta e gran huisio pre-Atvent deskribí den Daniel 7, ku ta mustra un esena di huisio kaminda Dios, e "Ansiano di Dianan" (Dan. 7:9), ta sintá riba un trono trahá di kandela i ta rondoná ku "dies mil biaha dies mil"(Dan. 7:10) angel. Bukinan ta wòrdu habrí (Dan. 7:10), i e huisio ta wòrdu disidí na fabor di "e santunan di e Haltísimo," ku e ora ei "a poderá di e reino." (Dan. 7:22).

Similarmente, Hebreo 12:22-29 ta deskribí un esena di huisio na Seru Sion, e Herusalem selestial, kaminda Dios, "e Hues di tur hende," ta rondoná pa "miles i miles" di angel (Beibel Santu). E esena tambe ta unu di kandela (Heb. 12:29). E ta enserá bukinan pasobra e santunan ta wòrdu "inskribí" den nan (Heb. 12:23, Beibel Santu), kual ta impliká un huisio faborabel pa e santunan.

Hesus ta na e sentro di e esena (Heb. 12:24). El a wòrdu deskribí komo e Yu di Hende den Hebreo 2, ku a wòrdu "koroná ku gloria i honor" despues di a purba "morto" na nos fabor (Heb.

2:9, Beibel Santu). Segun Hebreo 2:10, e "yu di hende" (wak Heb. 2:6, Beibel Santu) a sufrí pa E por trese "hopi yu na gloria" (Beibel Santu); pues, pa kreyentenan tambe por wòrdu "koroná ku gloria, i honor". E "Yu" a trese kreyentenan na Sion awor, e Herusalem selestial, pa medio di e benefisionan. di e aliansa i na bo (Heb. 12:22-24), kaminda nan ta haña, e promesa di risibí un reino (Heb. 12:28).

Pues, e huisio akí ta realmente bon notisia pa kreyenténan pasobra e ta un husio ku ta goberná na nan fabor. E ta vindiká nan. E ta un huisio ku ta derotá nan atversario, e dragon, ku ta tras di.e bestianan teribel ku a persiguí kreyentenan den pasado (Daniel 7)·i lo hasi asina den futuro (Revelashon 13,)

Kon loke nos a studia awe ta yuda nos komprondé ku Dios Su huisio den e mensahe di e tres angelnan ta "bon notisia" pa e tempo aki (Rev. 14:6, 7; kompará ku Deut, 32:36; 1 Kron. 16:33-35)?

(3)

Sakudí e Shelunan i e Tera

djamars, 15-03-2022

Despues di a deskribí e asamblea general tumando lugá den shelu, Pablo ta atvertí e Iesadónan ku nan mester pone atenshon na Dios Su bos pasobra Dios lo sakudí" 'un biaha mas..no tera so, sino shelu tambe' "(Heb. 12:26, Beibel Santu). Pablo ta bisando ku aunke Hesus a wòrdu entroná den.shelu, nos salbashon no a wòrdu konsumí. Nos mester pone atenshon pasobra un evento importante mester tuma lugá ainda.

Kompará Hagai 2:6-9, 20-22; Salmo 96:9, 10; Salmo 99:1; i Hebreo 12:26,27. Kiko ta e propósito di Dios Su sakudimentu di e shelunan i e tera? Kiko esaki ta nifiká?

Den e Tèstamènt Bieu, e sakudimentu di e tera tabata un figura komún pa e presensia di Dios, kende ta presentá pa libra Su pueblo. Ora ku Debora i Barak a bringa kontra Sisera, Dios a bringa for di shelu na nan fabor (Hues, 5:20). Esaki ta wòrdu deskribí komo un temblor poderoso, un sakudimentu di e tera i serunan pa motibu di e presensia di Dios (Hues. 5:4, 5).

Nos ta haña e mesun ilustrashon aki ta presentá atraves di e Tèstamènt Bieu ora ku Dios ta paresé pa libra esun oprimí (Salmo. 68:7, 8; Salmo. 60:2; Salmo. 77:17, 18 ). Pues, e sakudimentu a bira un señal di Dios Su huisio segun ku E ta afirmá Su outoridat riba e pueblonan di e tera. E profetanan a predesí ku esáki lo sosodé den e Día di Señor (Isa. 13:13, Isa. 24:18-23).

Pa Hebreo, e "sakudimentu" di shelu i tera ta referí na e destrukshon di e enemigunan di Dios.

Esaki ta loke Dios a primintí na e entronamentu di Hesus. Dios a bis'E: "Sinta na Mi man drechi, te ora Mi hasi Bo enemigunan un banki pa Bo pianan" (Heb. 1:13, Beibel Santu). Pues, Hesus a derotá e enemigu (Heb. 2:14-16) i a wòrdu entroná (Heb. 1:5-14), pero e enemigunan no a wòrdu destruí ainda (Heb. 10:11-14, 1 Kor. 15:23-25).

Pero Dios lo destruí e enemigunan aki den futuro, ora ku Dios lo sakudí e shelunan i e tera. E sakudimentu di e shelunan i e tera, e ora ei, ta nifiká e destrukshon di e podernan terenal ku ta persigui Dios Su pueblo i, mas importante ainda, e destrukshon di podernan selestial (Satanas i su angelnan) ku ta para tras di e podernan terenal i ta kontrolá nan.

Di kon e promesa di ku un dia hustisia lo tuma lugá, i ku e maldat ku tabata asina prevalesiente den nos mundo un dia lo wòrdu destruí, ta un promesa yen di speransa pa nos tur, spesialmente esnan ku a sufri direktamente na man di maldat?

(4)

Un Reino Ku No Por Wòrdu Sakudí

djarason, 16-03-2022

Dios a anunsiá ku lo E "sakudí" e shelunan i e tera, kual ta nifiká ku E lo destruí nashonnan enemigu. Sinembargo, tin algun kos ku lo no wòrdu sakudí, ku lo no wòrdu destruí.

Kompará Salmo 15:5, Salmo 16:8, Salmo 21:7, Salmo 62:2, Salmo 112:6, I Hebreo 12:27.

Hopi tradukshon moderno di Hebreo 12:27 ta bisa ku e sakudimentu di e shelunan i e tera ta nifiká ku nan lo wòrdu kitá i lo bai pa semper.

Sinembargo, Beibel ta bon kla ku Dios lo krea shelunan nobo i un tera nobo (Isa. 65:17, Rev.

'21:1-4 ), i nos lo wòrdu resusitá i lo tin un kurpa nobo (1 Tes. 4:13-17, Fil 3:20) riba e tera akí.

Pues, e "sakudimentu" ta impliká e limpiamentu i renobashon di kreashon, no su kitamentu kompletu. Loke tin akinan lo wòrdu re-kreá, i ta einan 'e redemínan lo biba.

Sinembargo, tin algun kos ku lo no wòrdu sakudí. Nan ta enserá e hustunan. Nan lo no wòrdu sakudí pasobra nan ta konfia den Dios. E Kreador ta sostené nan i ta garantisá nan

sobrebibensia.

Paga tinu ku den Hebreo, permanensia i stabilidat ta wòrdu asosiá ku Hesus. Hebreo 1:10-12 ta·bisa tokante di Hesus: " 'Abo, SEÑOR, den prinsipio a pone e fundeshi di tera, i é shelunan ta e obranan di Bo mannan; nan lo peresé, ma Abo ta keda; i nan tur lo bira bieu manera un bístí, i manera un mantel lo Bo lora nan; manera un bistí nan lo wòrdu kambiá tambe, ma Abo ta keda meskos, i Bo añanan lo no tin fin' "(Beibel Santu), Hebreo ta bisa tambe ku Hesus Su saserdosio ta permanesé pa semper (Heb. 7:3, 24) meskos ku e erensia di esnan redemí (Heb. 10:34). Den e huisio·final, ta esnan ku ta "den Hesus" lo no wòrdu sakudí (Sal. 46:5).

Hebreo 12:28 ta bisa tambe ku nos lo risibí "un reino ku no por wòrdu sakudí" (Beibel Santu).

Esaki ta un referensia na Daniel 7:18, ku ta bisa ku e santunan lo "poseé e reino pa semper."

Esaki ta e reino ku "lo no wòrdu destruí" menshoná den Daniel 2:44. E reino akí ta pertenesé na e Yu, pero E lo komparti'é ku nos. Revelashon 20:4 ta bisa ku, huntu ku, nos lo husga e podernan malbado ku a persiguí nos (1 Kor. 6:3).

Kon bon bo ta awor, pa loke ta trata wòrdu sakudí? Si bo no ta asina bon, ki eskohonan bo por hasi pa bo por haña yudansa den e area importante aki? (wak Efe. 4:14.)

141

(5)

Laga Nos Ta Gradisidu

djaweps, 17-03-2022

Hebreo ta konkluí e sekshon akí mustrando ku e kontesta apropiá na Dios pa tur e kosnan maravioso ku El a hasi pa nos ta pa mustra gratitut dor di ofres'E un tipo di adorashon apropiá.

Kompará Hebreo 12:28 i Hebreo 13:15, 16. Kon nos ta ofresé Dios adorashon aseptabel?

Den e sistema di e aliansa bieu, e sakrifisio di animalnan tabata e manera ku hende tabata mustra arepentimentu i gratitut, pero e sakrifisionan akí tabata simplemente un muestra di e gratitut i arepentirnentu den e kurason di e adoradó. Pues,' Dios a hasi bon kla den Salmonan i pa medio di e profetanan ku loke realmente ta agrad'E no tabata e sanger di animalnan pero e gratitut, bon obranan, i hustisia di e adoradónan (Sal. 50:7-23, Isa. I: 11-17).

Pues, Pablo ta invitá nos pa adorá Dios den e santuario selestial dor di ofresé sakrifisionan di adorashon, konfeshon, gradisimentu, i bon obra, kual ta e berdadero adorahon ku ta deleit'E.

nos ta ofresé e sakrifisionan akí riba tera, pero nan ta agradá Dios den shelu. E eksortashon akí ta kubri tur e yamadanan ku e outor a hasi atraves di e karta pa e konfeshon di Hesus Su nòmber (Heb. 3:1, Heb. 4:14, Heb. 10:23) i Su eksortashonnan pa nos sigui hasi bon obranan (Heb. 6:10-12; Heb. 13:1, 2, 16).

E invitashon di Pablo na e oudiensia pa "ofresé na Dios un sirbishi aseptabel" (heb. 12:28, Beibel Santu) ta impliká ku kreyentenan awor berdaderamente ta un nashon saserdotal ku a wòrdu perfekshoná i santifiká pa medio di e sakrifisio di Hesus (Heb. 10:10-14, 19-23). Esaki ta kumpli ku Dios Su propósito original pa

Israel, pa nan por ta un nashon saserdotal pa medio di kua E lo por anunsiá e bon notisia di salbashon na e mundu (Eks. 19:4-6; 1 Ped. 2:9, 10; Rev. 1:6; Rev. 5:10). Hebreo 13:1-6 ta deskribí den términonan práktiko loke ta nifiká pa hasi bon i kompartí loke nos tin. E ta nifiká mustra amor di ruman, meskos ku Hesus a mustra amor di ruman na nos (Heb. 2:11, 12). E ta nifiká ta: hospitabel, bishitá esnan ku ta den prizon òf a wòrdu maltratá (Heb. 13:3), i rechasá adulteria i kudishi.

Di kon ta importante pa konsiderá e bon obranan i komparti loke nos tin komo partí di nos adorashon na Dios? Na mes momento, kua ta e maneranan hopi real ku nos sakrifisionan spiritual na Dios por wòrdu korumpí (Isa. 1:11-17)?

(6)

Mas Estudio:

djabierne, 18-03-2022

Durante di e mil añanan entre e promé i e segundo resurekshon, e huisio di e malbadonan ta tuma lugá. E apòstel Pablo ta mustra na e huisio akí komo un evento ku ta sigui e segundo Atvent. 'no sigui huzga promé ku tempu, ma warda te ora Señor bin, Kende tambe lo trese na kla e kosnan skondí den skuridat i deskubrí e intenshonnan di kurason di hende.' 1 Korintionan 4:5. Daniel ta deklará ku ora ku e Ansiano di Dianan bini, ' huisio a wòrdu duná na fabor di e santunan di e Haltísimo.' Daniel 7:22. Na e momento ei e hustunan ta reina komo reinan i saserdotenan na Dios. Huan ta bisa den Revelashon: ' I mi a mira trononan, i nan a sinta riba nan i nan a wòrdu permití pa huzga.' 'Nan lo ta saserdotenan di Dios i di Cristo i lo reina huntu kunE pa mil aña.' Revelashon 20:4, 6. Ta na e tempu ak, manera Pablo a predesí, 'e santunan lo husga e mundu.' 1 Korintionan 6:2. Den union ku Kristu nan ta husga e malbadonan, komparando nan echonan ku e buki di statuto, e Beibel, i disidiendo kada kaso segun e obranan hasí den e kurpa. E ora ei e porshón ku e malbado mester sufrí ta wòrdu repartí, segun nan obranan; i e ta wòrdu registrá kontra di nan nòmber den e buki di morto.

"Satanas tambe i angelnan malbado lo wòrdu husgá pa Kristu i Su pueblo. Pablo ta bisa: ' Boso no sa ku nos lo husga angelnan?' versíkulo 3. I Hudas ta deklará ku 'I angelnan ku no a warda nan mes posishon, ma a bandoná nan propio lugá di biba, El a tene na kadena eterno den skuridat pa e huisio di e gran dia.' Hudas 6."- Ellen G. White, The Great Controversy, pp.

660, 661.

Preguntanan pa Diskushon:

1. Kiko e partisipashon di e santunan den e huisio di e malbadonan (1 Kor. 6:3, Hudas 6) ta bisa tokante di Dios i kon transparente E lo ta ku nos den mustra nos Su bondat i hustisia den e manera ku El a trata ku piká i maldat?

2. Lesa Éksodo 32:32, Salmo 56:8, Salmo 69:28, Salmo 139:16, lsias 4:3, Daniel 12:1, Malakias 3:16, Lukas 10:20, Revelashon 13:8, i Revelashon 17:8. Esakinan ta referensianan na Dios Su bukinan den shelu. Ki tipo di kosnan tin registrá den e bukinan akí? Di kon ta importante pa Dios mantené un registro di nos lagrimanan (Sal. 56:8), por ehèmpel? Si Dios sa tur kos, kua ta e propósito di e bukinan ei òf registronan?

3. Di kon bo ta pensa ku ta importante ku Hebreo ta finalisá e argumentashon di e epístolá ku un konekshon na e promesanan di Daniel 7? Di kon e konekshonnan akí ta importante den e konteksto di Hesus Su ministerio den shelu? Kiko Daniel 7 ta siña nos tokante di e fin di tur

(7)

Boso A Yega na Seru Sion

djadumingu, 13-03-2022

Lesa Hebreo 12:22-24. Kiko Pablo ta deskribí akinan?

Hebreo ta afirmá ku nos a yega na Seru Sion i a partisipá den un gran selebrashon. "Ma boso a yega na Seru Sion i na e stat di e Dios bibu, e Jerusalem selestial, i na miyares di angelnan"

(Heb. 12:22, Beibel Santu). Nos a yega pa medio di fe den e persona di nos representante, Hesus. Den e selebrashon akí nos ta haña miyares di angelnan, Dios mes, i Hesus, Kende ta e sentro di e selebrashon. Nos ta bini komo partí di e "asamblea general i iglesia di e primogénitonan, kendenan ta inskribí den shelu"(Heb. 12:23, Beibel Santu). Nos nòmbernan ta skirbí den e bukínan di shelu, kaminda Dios Su pueblo ta enlistá (Eks. 32:32, Sal. 56:8, Dan.

12:1, Mal. 3:16, Lukas 10:20, Rev. 13:8, Rev. 17:8).

Nos ta e "primogénito" pasobra nos ta kompartí e erensia di e Primogénito pa ekselensia, Hesus (Heb. 1:6). Pues, nos no a bini komo invitadonan pero komo suidadanonan (kompará ku Fil. 3:20). Tambe nos ta wòrdu deskribí komo'"e spiritunan di hendenan hustu ku a wòrdu hasí perfekto" (Heb. 12:23, Beibel Santu). E ekspreshon akí ta un forma di papia den kua un dimenshon di nos naturalesa humano ta para pa e totalidat. E ta análogo na e ekspreshon "e Tata di spiritunan" den Hebreo 12:9, ku ta referí na Dios komo e Tata di nos tur, sernan humano ku ta spiritual den naturalesa.

E asamblea general ta selebrá e inougurashon di Hesus Su gobernashon komo rei, ministerio saserdotal, i e inougurashon di e aliansa nobo. Den Hebreo, Seru Sion ta e lugá kaminda tur e eventonan akí a tuma lugá. Tres di e salmonan den Hebreo 1:5-14 ta deskribí e entronashon di e Yu i tin Seru Sion komo e lugá kaminda el a tuma lugá (Sal. 2:6, 7; Sal. 110:l, 2; Sal.

102:21-27).

Seru Sion ta e lugá tambe kaminda e Yu a wòrdu apuntá komo "Saserdote pa semper" (Heb.

5:6), un sita for di Salmo 110:4. Segun Salmo 110, e apuntamentu di e Yu komo Sumo Saserdote ta tuma lugá na Seru Sion tambe (Sal. 110:2). Finalmente, Hebreo ta splika ku e inougurashon di Hesus Su saserdosio tambe ta marka e inouglurashon di e alíansa nobo (Heb. 7:11-22). Pues, Seru Sion ta tambe e lugá kaminda e aliansa nobo a wòrdu ratifiká.

Hebreo 12:22-24 ta deskribí e asamblea general ku a tuma lugá den shelu ora ku Hesus a asendé.

Den ki maneranan práktiko nos por selebrá e realidat di Hesus, Su ministerio saserdotal, i e Aliansa Nobo den nos bida i den nos adorashon? Di kon ora nos regosihá den e gran bèrdat aki e ta afirmá nos fe?

Updating...

関連した話題 :

Scan and read on 1LIB APP