Kiko Nan A Mira den Bo Kas?
Les 12 di kuartaal 2, aña 2019
Lesa pa e siman aki:
Isa 38; 39; 1 Kor. 7:12-15; 1 Ped. 3:1,2; Heb. 6:12; Heb 13:7; 3 Juan 11; Isa. 58:6,7,10,12.
TEKSTO PRINSIPAL:
"Ma boso ta un rasa skohí, un saserdosio real. un nashon santo, un pueblo pekuliar, pa boso por proklamá e alabansanan di Esun ku a yama boso for di skuridat na Su lus maraviyoso" (1
Pedro 2:9, Beibel Santu).
Kiko Nan A Mira den Bo Kas?
sabbat, 15-06-2019
Kisas nos a yega e etapa kaminda ku, danki na Señor ku nos bida ta (por lo menos pa awor akí) bai bon: famia ta bon, trabou ta bon, salú i finansas tambe. Òf no? kisas bo hogar, pa awor akí, ta den doló, problema? Di tur manera, ora un hende bin bishitá bo kas, manera embahadornan for di Babilonia ku a bishita Rei Ezekias, kua kontesta por wòrdu duná na e pregunta ku e pròfeta Isaias a bin puntra e rei mas despues: "Kiko nan a mira den bo kas?"
(Isa. 39:4, Beibel Santu ). Kiko hende a mira den bo kas? Kiko angelnan selestial a mira den bo kas? Kua tipo di spiritu ta biba den nos hogarnan? Un hende por "hole.. e esensia di orashon? Tin kariño, generosidat, amor òf tenshon, rabia. resentimentu, amargura i deskòrdia? Un hende ku ta einan lo bai pensando ku Hesus ta den e hogar akí? E preguntanan akí ta hopi importante pa nos tur por hasi nos mes pa loke ta trata e tipo di hogar ku nos a krea. E siman akí nos lo wak algun di e asuntunan ku por soru pa un bida maravioso
Siñando For di e Fayo di un Rei
djadumingu, 16-06-2019
Lesa e historia di Ezekias su kurashon i e bishita di e embahadornan di Babilonia. 2 Kron. 32:25,31; Isa. 38:39.
Skritura ta mustra ku e mensaheronan tabata interesá den e deskubrimentu milagroso di rei Ezekias. Sinembargo, Ezekias ta parse di a keda ketu tokante di su eksperensha di kurashon.
E no a enfatisá e kosnan ku lo a habri e kurason di e embahadoman kurioso akí na e konosementu di e bèrdadero Dios. E kontraste entre su gratitut pa a wòrdu kurá den kapítulo 38 i su silensio tokante di esakí den kapítulo 39 ta alarmante. "Dios a lagu'é pa poné na prueba." E bishita akí tabata un okashon hopi signifikante; tòg no tin niun kaminda skirbí di Ezekias buskando guiansa speshal tokante di esaki den orashon for di e pròfetanan òf for di e saserdotenan. Tampoko Dios no a intervení. Su so, for di bista publiko, sin niun konsulta ku konseheronan spiritual, Ezekias aparentemente a laga e trabou di Dios den su bida i den e bida di su nashon bai for di su mente. E intenshon di e historiadó den 2 Krónikanan 32:31 lo por tabata pa mustra kon fasilmente Dios Su bendishon por wòrdu neglishá i kon fasil e reseptornan di Su miserikordia ta bira auto-sufisiente.
Akibou tin algun les tokante di fieldat den bida na kas ku por wòrdu saká for di e eksperensha di Ezekias. Kua otro les bo por pensa di dje?
Kada bishita na kas di Kristiannan ta un oportunidat pa hende konosé e siguidoman di Kristu. Masha poko bishita ta bai habri kombersashon tokante di kosnan spiritual. Kristiannan mester haña maneranan ku ta sensitivo i apropiá pa e okashon pa kompartí e bon notisia. Kristiannan no ta yamá pa broma ku nan prosperidat material òf logronan, maske ku nan por rekonosé esakinan komo bendishonnan di Dios. Nan ta yamá pa "Ma boso ta un rasa skohí, un saserdosio real, un nashon santu, un pueblo pekuliar, pa boso por proklamá e alabansanan di Esun ku a yama boso for di skuridat na Su lus maraviyoso" (1 Ped. 2:9, Beibel Santu) òf, pa usa Ezekias su eksperensha komo un símbolo, pa deklará ku nan tabata muriendo, pero Kristu a kura nan; nan tabata morto den piká, i Kristu a resusitá nan i a pone nan sinta den lugánan selestial (Efe. 2:4-6).
Den ki maneranan bo por usa bo hogar pa testifiká na otronan? Kon bo por kompartí bo fe den Kristu na un manera mas franko ku bo bishitanan ku bin bo kas?
138
Famia Promé
djaluna, 17-06-2019
E promé personanan ku ta risibí e nos esfuerso pa kompartí e evangelio di un manera mas natural ta e hendenan ku ta biba den nos kas. No tin un kampo di mishon mas importante ku esaki.
Kua konklushon por wòrdu saká for di Juan 1:40-42 tokante di kompartimentu di fe na kas? Wak Deut. 6:6,7 i Ruth 1:14-18 tambe.
Un raport entusiastiko. Andres a bai mas ayá di simplemente raportá; el a regla pa su ruman hòmber, Simon, por topa ku Hesus. Un raport entusiastiko tokante di Hesus i un introdukshon na djE komo un persona--ki un formula simpel pa kompartí e evangelio ku famianan den nos hogar! Despues di e introdukshon Andres a hala atras. For di e ora ei, Hesus i Pedro tabatin un relashon di nan mes. Yudando "muchanan pa yega na un lugá di fe. Muchanan den un hogar hopi bia por wòrdu neglishá komo reseptornan di e esfuersonan pa komparti e evangelio. Mayornan ta hasi e fayo di asumí ku muchanan lo simplememe apsorbé spiritualidat familiar. Esaki no mester wòrdu neglishá. Mientras ku muchanan i hobennan ta siña for di e ehèmpel ku nan ta opservá, ta bèrdat tambe ku e miembronan di mas yóng akí di Señor Su famia mester di atenshon i oportunidat individual pa por wòrdu introdusí personalmeme na djE. Deutoronomio 6 ta insistente den e punto aki: Atenshon mesrer wòrdu duná na e tipo di edukashon religioso mas efektivo. Hábitona.n spiritual regular di alabansa personal i familiar mester wòrdu enkurashá den e hogar. Tempu i esfuerso sinsero mester wòrdu hasí pa bienestar di e muchanan i hobennan.
Kiko nos por siña for di e esfuersonan evangelístiko di Noemí? Ruth 1:8-22.
Ruth a mira Noemí na e momentu di mas difisil: ora ku el a purba pusha su nuera leu fo' i dje, i ora ku e tabata rabiá i deprimi, el a rabia ku Dios mientras e tabata kòrda su perdidanan (Ruth 1:15,20,21). No por tin un testimonio mas elokuente ku esun di Ruth ku por wòrdu duná pa mustra 'ku hobennan por konose i hasi un kompromiso ku un Dios perfekto. asta ora nan wòrdu introdusí na djE pa medio di un mayor im perfekto.
Kon e noshon di hogar komo e kampo di mishon di mas importante ta afektá bo aktitut pa ku e hendenan ku ta biba huntu ku bo? Traha huntu komo un famia pa prepará un lista di esfuersonan spesífiko ku bo famia por hasi pa guia e famianan ku no ta salbá na
Pas Ku ta Gana
djamars, 18-06-2019
Kua konseho e Testament Nobo tin pa matrimonionan dividí pa motibu di religion? 1 Kor. 7:12-15; 1 Ped. 3:1,2.
E bendishon di ta e kasá Kristian. Den 1 Korintionan Pablo ta respondé na preukupashonnan di esnan kombertí ku ta pensa ku pa keda kasá ku un persona no-kreyente por ta òfensivo pa Dios òf lo trese maldishon riba nan mes i nan yunan. No ta asina, Pablo ta bisa. E estado di matrimonio sagrado i su intimidatnan ta sigui despues di e persona su kombershon. E presensia di un kasá Kristian "ta santifiká" e otro persona i e pareha su yunan. E palabra
"santifiká" mester wòrdu komprondé den e esensia ku kasánan no-kreyente ta bini den kontakto ku e bendishonnan di grasia pa sobra nan ta biba ku nan kasá Kristian. Pa duru ku e por ta, e kasá no-kreyente por disidí di bandoná e matrimonio. Ounke ku konsekuenshanan lo ta serio, un palabra miserikordioso di nos Dios ku semper ta respetá e hende su libertat di skohe-ta "lagu'é bai." E kreyente "den kasonan asina no ta mará" (1 Kor. 7:15, Beibel Santu). Yamá pa biba den pas. E preferensha bon kla di e Palabra di Dios ta ku apesar di e desafionan di un hogar spiritualmente dividí, un kaminda por ser hañá pa e pas di Kristu por reina einan. E speransa ta pa mantené e matrimonio intakto, pa duna evidensia di e triumfo di e evangelio mei-mei di difikultat, i pa promové e konsuelo ku e kasá ku ken e kreyente a bira un karni, maske ku esun otro no ta un kreyente.
Kiko por ta e limitashonnan di un kasá su responsabilidat pa ku e kasá ku no ta kreyente?
Bondat amoroso, fieldat ku no ta kibra, servisio humilde i testigu viktorioso di parti die kreyente ta krea e posibilidat di mas grandi den gana e kasá ku no ta kreyente. Sumishon den un matrimonio Kristian ta bini for di reverensha na Kristu (kompará Efe. 5:21). Ora un kasá ta relashoná ku sumishon Kristian na su pareha ku no ta kreyente, e promé aliansa semper ta na Kristu. Fieldat na e mandatonan di Dios riba un persona su bida no ta rekerí pa un kasá tin ku sufri abuzu na man di un pareha violento.
Tin un persona den bo iglesia luchando ku un kasá ku no ta kreyente? Si ta asina, den kua maneranan práktiko lo bo por yuda posiblemente?
140
Bida Familiar Ta Pa Kompartí
djarason, 19-06-2019
Den e siguinte versikulonan akí, saka e palabranan ku Testament Nobo ta usa pa sigui"
òf "imitá". Kiko nan ta bisa nos tokante di e proseso di bira i krese komo un Kristian?
Kiko bo ta pensa ku nan ta sugeri tokante di e relashon entre ehèmpel i testifikashon? 1 Kor. 4:16: Efe 5:1; 1 Tes. 1:6; Heb. 6:12; Heb. 13:7; 3 Juan 11.
E Tèstamènt Nobo su enfasis riba imitashon ta rekonosé e ròl importante ku ehèmpel tin den e proseso di siñamentu. Hende tin e tendensia di bira manera esun ku nan ta wak. E prinsipio akí ta aplikabel na relashonnan generalmente i speshalmente na kas, kaminda imitashon ta komún.. Einan muchanan ta imitá nan mayoman i nan rumannan; parehanan kasa hopi biaha ta imitá otro. E konsepto akí ta proveé un klave importante pa parehanan i famianan por sa kon nan por ta testigunan Kristian na otro pareha i famianan. E poder di influensha sosial. Nos ta testifiká for di nos hogarnan ora nos ta proveé oportunidat pa otronan por opservá nos i pa kompartí den nos eksperensha di hogar di un manera òf otro. Hopi hende simplemente no tin un bon ehempel di relashon di matrimonio òf di famia pa nan por Sigui. Den nos hogarnan nan por mira kon e spiritu di Hesus ta hasi un diferensha. Ellen G. White a skirbi ku "influensha sosial ta un poder maravioso. Nos por huze nos ke komo un medio pa yuda esnan rondó di nos. The Ministry òf Healing, pg. 354. Komo pareha kasa invitá otro parehanan pa bin kome, pa kompañerismo òf estudio Bíbliko, òf ora nan ta asistí un programa di kresementu matrimonial huntu, e bishitanan ta mira un ehèmpel. E echo ku nan ta mira mutualismo afirmashon, komunikashon, resolvementu di konflikto i akomodashon di diferenshanan ta testifiká di bida familiar den Kristu
Den e kontekto aki di kiko nos mester ta kouteloso semper? Jer. 17:9; Juan 2:23, Rom.
3:23.
Ora kreyentenan sigui Kristu. Tur ehèmpel humano tin fayo den nan,sinembargo e testigu di un hogar Kristian no ta trata di mustra perfekshon apsoluto. E noshon den Testament Nobo di imitashon ta un yamada pa individuonan por sigui kreyentenan kende ta sigui Kristu. E idea ta ku e índividuonan lo gara e fe Kristian mientras nan ta mir'é demostra den e bida di otronan ku ta mesun humano i falibel ku nan.
Kiko bo por hasi pa hasi bo hogar un modelo mihó pa testifikashon Kristian?
Sentronan di Amistat Kontagioso
djaweps, 20-06-2019
Kompará referenshanan Bíbliko riba hospitalidat ku insidentenan aktual den e hogarnan di diferente famianan Bíbliko poné akibou. Isa. 58:6,7,10-12; Rom. 12:13; 1 Ped. 4:9.
Paga tinu riba e atributonan di hospitalidat ku ta wòrdu demostrá.
Abraham i Sara (Gen. 18:1-8)
Rebeka i su famia (Gen. 24:15-20,31-33)
Zakeo (Lukas 19:1-9)
Hospitalidat ta suplí otro persona su nesesidatnan básiko pa sosiegu, kuminda i kompañerismo. Ta un ekspreshon tangíbel di amor apnegá. Hesus a pone nifikashon teológiko na hospitalidat ora ku El a siña nan ku pa alimentá un hende ku hamber i pa duna di bebe na esun ku tin set tabata aktonan di servisio hasí na djE (Mat. 25:34-40). Ora un hende usa su kas pa ministerio esaki por varia di simplemente invitá bisiñanan bin kome te na e hospitalidat radikal di laga un víktima di abuzu fia un kamber serka bo. E por envolví simpel amabilidat, un oportunidat pa òfresé orashon ku un hende, òf dunando estudio Bíbliko. Berdadero hospitalidat ta Sali for di e kurason di esnan ku a wòrdu toká pa e amor di Dios i ku ke ekspresá nan amor den palabra i akshon. Famianan algun bia ta reklamá ku nan ta falta e fasilidatnan, e tempu, i/òf e energía pa òfresé hospitalidat. Otronan ta sinti nan mes straño, sin kapasidat i insigur tokante di bai alkansá mas ayá di loke ta konosí pa por asosiá ku no- kreyentenan. Algun ta deseá di evitá e komplikashonnan na nan bida ku por bini ora bo envolví bo mes ku otronan. Hopi famianan konteporaneo ta konfundí hospitalidat ku entretenamentu.
Den ki manera bo bida na kas ta reflehá bo propio kondishon spiritual?
142
Pensamentu Mas Pròfundo:
djabierne, 21-06-2019
Ellen G. White, "A Powerful Christian Witness," pg. 35-39; "Attitude Toward an Unbelieving Companion," pg. 348-352, den The Adventist Home; I "Ministry òf the Home," pg. 349-355, den The Ministry òf Healing; "The Ambassadors From Babylon," pg. 340-348, den Prophets and Kings. E poder di e hogar den evangelismo. "Muchu mas poderoso ku kualkier sermon ku por wòrdu prediká ta e influensha di un bèrdadero hogar riba kurasonnan i bida humano.... “Nos esfera di influensha por parse smal, nos abilidat chikitu, nos oportunidatnan tiki, nos atkishonnan limitá; tòg posibilidatnan maravioso ta di nos pa medio di un uso fiel di e oportunidatnan di nos hogar.- Ellen G. White, The Ministry òf Healing, pg. 352, 355.
Preguntanan pa Diskushon:
1. Puntra kualkier persona den klas si ta pa influensha di un hende su hogar a yuda ku bo a tuma e desishon pa Kristu. Elaborá kiko tabata e kos ku a hasi asina un imprenshon. Kiko e klas por siña for di e eksperensha ei?
2. Den ki formanan práktiko abo komo klas lo por ministrá na un famia ku un kasá no- kreyente?
3. Komo klas papia tokante di algun di e preshonnan den e hogar ku ta funshoná kontra di fe.
Skirbi un lista di algun di e kosnan akí: despues skrap den nan, skirbi e posibel solushon.
4. E bida privá di Kristiannan ta métodonan pa testifiká na muchanan, kasánan no-kreyente, otro famianan i bishitantenan. Mientras ku kompartimentu di e fe na kas no semper por tuma lugá manera bo ke òf resultá den e kombershon di famianan i bishitantenan, miembronan imperfekto di e famia ta buska pa mustra e kaminda na e Salbador perfekto. Atraves di generashonnan di hospitalidat ekspresá den e nòmber di nos Salbador, nan lo trese nan sernan kerí den e reino di grasia di tur e bidanan ku nan a influenshá. Pensa riba e influensha di bo hogar riba esnan ku ta bin bishitá. Kiko bo por hasi pa hasié un mihó testigo di fe pa tur ku ta pasa den bo portanan?
143
